"Rafale tədarükləri Ukrayna ordusunu bərpa etmək üçün lazımdır" - Makron

Fransa prezidenti Emmanuel Makron hesab edir ki, Ukrayna Silahlı Qüvvələrinin bərpası üçün 100 Rafale qırıcısının çatdırılması zəruridir.

Busaat.az xəbər verir ki, bu barədə “Reuters” məlumat yayıb.

“Fransa 100 Rafale qırıcısını tam sursatla təmin edəcək. Bu, Ukrayna ordusunun regenerasiyası üçün lazımdır”,-deyə Makron Parisdə Volodimir Zelenski ilə keçirdiyi mətbuat konfransında deyib.

Makronun sözlərinə görə, Fransa Ukraynanı yeni nəsil hava hücumundan müdafiə sistemləri və digər silahlarla da təmin edəcək:

“Bu razılaşma ilə biz Ukrayna Silahlı Qüvvələrinin modernləşdirilməsini dəstəkləməyə davam edirik”, – Makron qeyd edib.

Zelenski Fransanın Kiyevə hərbi yardımını müzakirə etmək üçün noyabrın 17-də Ukrayna münaqişəsi başlayandan sonra doqquzuncu səfəri üçün Parisə gəlib.

Rusiya hakimiyyəti dəfələrlə bəyan edib ki, Ukraynanın silahlanması Rusiyanın qətiyyətini zəiflətməyəcək və ya xüsusi hərbi əməliyyatın gedişatını dəyişməyəcək.

Yeganə