“Real Madrid”in gənclər komandasının futbolçularını azyaşlı ilə intim videonu yaydıqlarına görə 5 ilə qədər həbs gözləyir.
Busaat.az xəbər verir ki, bu barədə AS məlumat yayıb.
Mənbənin sözlərinə görə, müvafiq cəzanın təyin edilməsi üçün zərərçəkmişin yaşını, səsyazma ilə bağlı razılığın, həmçinin yayımın onun icazəsi ilə olub-olmamasını, eləcə də konkret faktı nəzərə almaq lazımdır.
Zərərçəkmiş videonun çəkilişinə razılıq vermədikdə, Cinayət Məcəlləsinin 197.1-ci maddəsində bir ildən dörd ilədək müddətə azadlıqdan məhrum etmə və cərimə cəzası nəzərdə tutulur. Əgər videoyazı yayılsa, cəza 197.3-cü maddəsinə əsasən, iki ildən beş ilədək müddətə azadlıqdan məhrum etmə ilə artırılacaq.
Qeyd edək ki, daha əvvəl “Real Madrid”in gənclərdən ibarət komandasının 4 futbolçusunun artıq saxlanıldığı bildirilmişdi.
