Rostovda hava hücumundan müdafiə sistemi işə salındı

Oktyabrın 24-də Rostov-na-Donuda hava hücumundan müdafiə sistemi işə salınıb.

Busaat.az xəbər verir ki, bu barədə regionun rəhbəri Vasil Qolubev bildirib.

“Biz Rostov vilayətindən kənarda, xüsusi hərbi əməliyyat zonasında hava hədəfləri üzərində uğurla işləmişik”, – Qolubev deyib.

Sakinləri partlayış səsləri barədə məlumat veriblər və səmada raket izlərinin görüntülərini yayımlayıblar.

Rostov vilayətində zenit sistemi sutka ərzində artıq ikinci dəfə işə salınır.

Qeyd edək ki, Rostov vilayəti Ukraynanın Donetsk və Luqansk vilayətləri ilə həmsərhəddir və hazırda onların böyük bir hissəsi Rusiyanın nəzarətindədir.

Pəri Əlizadə,
Busaat.az