Ruben Safrastyan:” Ermənilər qorxu içindədir”

“Xankəndindəki hava limanı tezliklə istifadəyə verilə bilər”- bunu
“qondarma rejimin ” qondarma Aparatının rəhbəri Artak Beglaryan deyib. Beglaryan hava limanının tikinti işlərinin davam etdiyini və bu işləri Rusiya sülhməramlılarının etdiyini deyib. Busaat.az xəbər verir ki, Beglaryanın bu çıxışına Ermənistan Milli Elmlər Akademiyası Şərqşünaslıq İnstitutunun direktoru, türkoloq Ruben Safrastyan sərt cavab verib. Ruben Safrastyan verdiyi müsahibəsində, Türkiyə və Azərbaycanın Xankəndi hava limanının Rusiya tərəfindən işləməsində maraqlı olmadığını və bunun mümkün variantlarla qarşısını alınacağını bildirib.

“Qarabağda olan ermənilər qorxu içərisindədir. Çünki biz Rusiyaya ümid etməklə yanılırıq. Azərbaycan tezliklə öz istəyinə nail olacaq və Xankəndiyə və Xocalıya nəzarəti ələ alacaq. Azərbaycan hal-hazırda həm iqtisadi , həmdə hərbi cəhətdən güclüdür. Həmçinin indiki vəziyyətdə Azərbaycan qalib tərəf kimi, Rusiya ilə münasibətləri bizdən qat-qat yaxşıdır. Bu amil Qarabağdan ermənilərin qaçışını sürətləndirəcək. Artak Beglaryan və Araik Arutunyan yenə nağıl danışmaqla işlərini bitmiş hesab edir. ”deyə bildirib.
Busaat.az
.