"Rumıniyaya əlavə qüvvələr göndərə bilərik" - Rutte

NATO-nun baş katibi Mark Rutte Rumıniya prezidenti Nikusor Dan ilə birgə mətbuat konfransında bildirib ki, lazım gələrsə, NATO Rumıniyada hərbi mövcudluğunu gücləndirməyə hazırdır.

Busaat.az xəbər verir ki, çərşənbə günü Rutte NATO-nun baş katibi kimi Rumıniyaya ilk səfərinə gəlib.

Danışıqlar Buxarestdə, Kotroçeni sarayında baş tutub.

“Lazım gələrsə, Rumıniyaya bölmələr də daxil olmaqla əlavə qüvvələr göndərə bilərik. Hazırda orada 5000-dən çox hərbçi təlim keçir. Rumıniyaya hücum edilərsə, 31 NATO ölkəsi bunun müdafiəsinə qalxacaq. Biz yenilməzik – ona görə də heç kim bizi sınaqdan keçirməyə cəsarət etməyəcək”, – Rutte bildirib.

NATO-nun baş katibi əlavə edib ki, Rumıniya dəyərli müttəfiqdir və Qara dəniz regionunda sabitliyin təmin edilməsində əsas rolu oynayır.

“Biz əlavə quru və hava aktivlərini, həmçinin yeni taktikaları, o cümlədən dəniz pilotsuz uçan aparatlarından istifadəni müzakirə edirik. NATO bütün şərq sektorunda öz mövqelərini gücləndirir”, – Rutte əlavə edib.

Yeganə