Rus komandanı bu səbəbdən dəyişdirildi - ŞƏRH  

“Volkov Azərbaycanda rüşvətxor komandan kimi ad çıxardı”.

Bunu rus sülhməramlı kontingentinə yeni komandan təyin olunmasının verəcəyi nəticə haqqında fikirlərini səsləndirən politoloq Elşad Həsənov Busaat.az-a açıqlamasında deyib.

O bildirib ki, Volkov Azərbaycanda rüşvətxor komandan kimi ad çıxardı:

“Volkovun dəyişilməsi rüşvətxorluğuna görə ola bilər. Ermənistan və Qarabağ arasında gəliş-gediş edənlərdən rus kontingentinin pul alması ilə bağlı iddialar erməni mətbuatında geniş müzakirələrə səbəb oldu. Bu dəyişiklik rus kontingentinin mövqeyində hər hansı fərq etməyəcək”.

“Sülhməramlıların getməsinə artıq çox az qalıb. Bu müddətdə yenə də öz fəaliyyətlərini davam etdirəcək, müxtəlif təxribatlar törədərək ermənilərə dəstək olacaqlar, imkanları olmayanda qanunun keşiyində durmağa çalışacaqlar. Rusiya Cənubi Qafqazda sabitliyin yaranmasında maraqlı deyil. Çünki burada nə qədər ki, sabitlik yoxdur, o qədər də rus sülhməramlıları fəaliyyətini davam etdirəcək”, – politoloq qeyd edib.

Ələsgər / Busaat.az