Rusiya aviaşirkəti Krasnoyarsk-Bakı marşrutu üzrə reyslərin sayını artırır

Avqustun 31-dən Rusiyanın “İrAero” aviaşirkəti Krasnoyarsk-Bakı marşrutu üzrə reyslərin sayını iki dəfə artıracaq.

Busaat.az bu barədə Krasnoyarsk Beynəlxalq Hava Limanına istinadən xəbər verir.

Məlumata görə, uçuşlar həftədə 2 dəfə həyata keçiriləcək. Belə ki, Krasnoyarskdan təyyarə cümə axşamı saat 20:20-də, bazar günü isə saat 18:00-da havaya qalxacaq və müvafiq olaraq saat 22:10-da və saat 19:50-da Bakıya çatacaq.

Bakıdan isə təyyarə cümə axşamı 11:30-da havaya qalxacaq, 19:10-da Krasnoyarska çatacaq. Bazar günü isə təyyarə Azərbaycandan saat 09:10-da yola düşəcək, 16:50-də Rusiyaya çatacaq.

Biletin qiyməti bir tərəfə 23 560 rubl (247 ABŞ dolları), iki tərəfə isə 57 063 rubl (599 ABŞ dolları) təşkil edir.