Rusiya Dövlət Duması Avropa Şurasının (AŞ) müqavilələrinə (21 saziş) xitam verilməsi haqqında qanun qəbul edib.
Busaat.az xəbər verir ki, bu barədə “RBC” məlumat yayıb.
Qanun İnsan Hüquqlarının və Əsas Azadlıqların Müdafiəsi Konvensiyasına, Terrorçuluğa Qarşı Mübarizə Konvensiyasına, Avropa Sosial Konvensiyasına və digər sazişlərə aiddir.
Qeyd edək ki, Qanun layihəsini Putin təqdim edib.
Rusiyanın Avropa Şurasına üzvlüyünə 2022-ci ilin martında xitam verilib. Bundan əvvəl AŞ Rusiyanın təşkilatdakı üzvlüyünü dayandırmaq barədə qərar qəbul edib.
