"Rusiya düşmən hücumlarına birbaşa cavab verməlidir" - Medvedev

“Müasir dünyada Rusiya öz mövqeyini açıq şəkildə müdafiə edərək istənilən düşmənçilik hərəkətlərinə və bəyanatlarına operativ cavab verməlidir”.

Busaat.az xəbər verir ki, bunu Rusiya Təhlükəsizlik Şurasının sədr müavini, “Vahid Rusiya”nın sədri Dmitri Medvedev partiyanın ilkin şöbələrinin federal şurasının iclasında çıxışı zamanı deyib.

Medvedevin çıxışından əvvəl görüş iştirakçıları ona fəal vətəndaş mövqeyinə və özünün Teleqram kanalında dərc etdiyi nəşrlərə görə təşəkkür edərək, onun cari hadisələri aydın şəkildə əks etdirdiyini, Rusiyanı və partiyanı cəsarətlə müdafiə etdiyini qeyd ediblər.

“Dünya dəyişib – indi informasiya dərhal yayılır. Ölkəmizin çoxlu dostları var, amma düşmənçilik edənlər də var. Onlara fasilə vermək olmaz. Biz birbaşa həqiqəti, necə deyərlər, təqib edib onları xoşagəlməz hala salmalıyıq”, – Medvedev bildirib.

O qeyd edib ki, müasir kommunikasiyalar düşmən hərəkətlərinə və bəyanatlarına demək olar ki, dərhal cavab verməyə imkan verir: “Həqiqətin harada olduğunu bilirik”.

Yeganə