Rusiya hücumları: Neft anbarı vuruldu

Rusiyanın həyata keçirdiyi hücumlarda Ukraynadakı neft anbarı vurulub.

Busaat.az xarici mediaya istinadən xəbər verir ki, gecə saatlarında Rusiyanın paytaxt Kiyev, Dnepr və Ukraynanın şərqindəki şəhərlərə qarşı həyata keçirdiyi hücumlarda neft anbarı vurulub.

Ukrayna prezidenti Volodimir Zelenskinin ofisində verdiyi açıqlamada Xarkov şəhərindəki neft anbarının iki dəfə vurulmasından sonra yanğının baş verdiyi və neft məhsullarını daşıyan vasitələrə ziyan dəydiyi bildirilib.

“Reuters”in xəbərinə görə, Ukrayna Hərbi Hava Qüvvələri gecə saatlarında həyata keçirilən hücumlarda Xəzər dənizindən atılan 10 raket, 23 İran istehsalı “Shahed” pilotsuz uçuş aparatı və iki kəşfiyyat təyyarəsini vurduğunu açıqlayıb.

Dnepr qubernatoru Serhiy Lısak teleqramda yayımladığı açıqlamada deyib: “Çox çətin bir gecə idi. Səs-küylü idi. Dnepr əziyyət çəkdi”.

Busaat.az