
“Rusiya ilə NATO arasında münasibətlərdə romantik dövr başa çatıb“ - Dmitri Peskov
Rusiya Federasiyası Prezidentinin mətbuat katibi Dmitri Peskov bildirib ki, Rusiya ilə NATO arasında münasibətlərdə romantik dövr başa çatıb.
Busaat.az Ria Novosti-yə istinadən xəbər verir ki, ABŞ prezidenti Co Bayden cümə axşamı Rusiya lideri Vladimir Putinin NATO-nu parçalamağa çalışdığını bildirib və “onun əvvəldən niyyəti belə olub” deyib.
“NATO ilə münasibətlərimizdə romantik dövr yaşadıq. Amma bu romantik dövr arxada qalıb və romantika gündəlik iş, rutin münasibətlərlə əvəzlənib” – deyə Peskov jurnalistlərə deyib.
“Və gündəlik iş ondan ibarətdir ki, NATO qarşıdurma aləti kimi yaradılmış və düşünülmüşdür, indi də bu funksiyaları yerinə yetirir. NATO sadəcə mahiyyətinə görə başqa heç bir funksiyanı yerinə yetirə bilməz.” – deyə Peskov əlavə edib.
Busaat.az
Sərvinaz Hacalıyeva























