"Rusiya inkişafda digər ölkələri qabaqlayır" - Errol Mask

Mühəndis, iş adamı və sahibkar İlon Maskın atası Errol Mask Rusiyanın digər ölkələrlə müqayisədə üstün inkişaf nümayiş etdirdiyini bildirib.

Busaat.az xəbər verir ki, o, bu fikri Kazanda Bəşir Rameyev adına İT Parkda Tatarıstanın İT ictimaiyyətinin nümayəndələri ilə görüşündə bildirib.

“Mənim fikrim o idi ki, insanlara bu ölkədə baş verənləri göstərmək lazımdır. Çünki, açığını desəm, siz dünyanın qalan hissəsini geridə qoyursunuz”, – Mask deyib.

Mask əlavə edib ki, Qərb Rusiya haqqında dəhşətli sözlər deyir və Rusiyadakı real vəziyyətlə bağlı beynəlxalq ictimaiyyətin maarifləndirilməsinin vacibliyini vurğulayıb:

“Rusiya və onun regionları haqqında bilməmək sadəcə olaraq yanlışdır”, – Mask qeyd edib.

Yeganə