“Rusiya 2024-cü ildə Müstəqil Dövlətlər Birliyinə sədrliyi dövründə milli valyutalarda hesablaşmaların genişləndirilməsi üçün əlindən gələni edəcək”.
Busaat.az “Moskovski Kosomolets”ə istinadən xəbər verir ki, bunu Rusiya prezidenti Vladimir Putin dekabrın 26-da MDB-nin Sankt-Peterburq sammiti zamanı deyib.
Rusiya Federasiyasının Prezidenti əmin olduğunu bildirib ki, bu, MDB üzvü olan ölkələrin iqtisadi və maliyyə suverenliyini daha etibarlı təmin etməyə imkan verəcək. Bununla yanaşı, Putin MDB çərçivəsində iqtisadi əməkdaşlığın gücləndirilməsinə ciddi diqqət yetirəcəyini vəd edib və birlik üzvləri arasında ticarət dövriyyəsinin davamlı artım nümayiş etdirdiyini vurğulayıb. 2023-cü ilin yanvar-oktyabr aylarında bu, 83,7 milyard dollara çatıb.
Busaat.az
