Rusiya, Türkiyə, İran və Suriya nümayəndə heyətləri arasında Suriya nizamlanması ilə bağlı cümə axşamı Moskvada keçirilməsi planlaşdırılan görüş təxirə salınıb.
Busaat.az xəbər verir ki, bu barədə Türkiyənin NTV telekanalı xəbər məlumat yayıb.
“Bu günə planlaşdırılan görüş texniki səbəblərə görə təxirə salınıb. İclasın yeni tarixi hələ məlum deyil”, – deyə telekanal vəziyyətlə tanış olan mənbələrə istinadən məlumat verib.
Bundan əvvəl Türkiyənin TRT dövlət televiziyası sözügedən görüşün çərşənbə və cümə axşamı Moskvada keçiriləcəyini bildirmişdi.
Daha sonra Rusiya xarici işlər nazirinin müavini Mixail Boqdanov XİN başçılarının müavinləri səviyyəsində görüşün bu həftə Moskvada baş tutacağına ümid olduğunu açıqlayıb.
Busaat.az