"Rusiya Ukraynada humanitar fəlakət yaratmağa çalışır" - Zelenski

Ukrayna prezidenti Volodimir Zelenski qeyd edib ki, Rusiyanın kritik infrastruktura qarşı davam edən hücumları Ukraynada humanitar fəlakət yaratmaq məqsədi daşıyır.

Busaat.az xəbər verir ki, bu barədə UNIAN məlumat yayıb.

“Putin müharibəni bitirmək arzusunda deyil və yenə də bizi humanitar fəlakətə aparacaq addımlar atdı. Bu, təbii ki, enerji, qaz və su təchizatına hücumlarla bu qışı təşkil etmək istəyir”, – deyə Zelenski vurğulayıb.

Ukrayna prezidenti əlavə edib ki, belə bir vəziyyətdə nə etmək lazım olduğu aydındır.

Zelenski qeyd edib ki, bu gün “İstəklilərin Koalisiyası” Ukrayna üçün təhlükəsizlik təminatları, Ukraynanın hava hücumundan müdafiəsinin gücləndirilməsi və enerji dəstəyini müzakirə edəcək.

Yeganə