Polşada “Rusiya və Belarusun təsirini” öyrənmək üçün komissiya işə başlayıb.
Busaat.az xəbər verir ki, bunu Polşanın baş naziri Donald Tusk açıqlayıb.
Məlumata görə, mayın 10-da Tusk Polşada baş verən hadisələrə Rusiya və Belarusun təsirini araşdırmaq üçün komissiya yaradıldığını elan edib.
O qeyd edib ki, daxili işlər naziri Tomaş Siemonyak artıq qanun layihəsi hazırlayıb, ona uyğun olaraq komissiya öz işinə başlayacaq.
Öz növbəsində Polşa Seyminin spikeri Şimon Holovniya bu ideyanı tənqid edib və vurğulayıb ki, Polşaya “başqa anti-Rusiya komissiyası” lazım deyil.
