Rusiya və Çin ABŞ-ın hazırladığı Yaxın Şərq qətnaməsinə veto qoydu

Rusiya və Çin BMT Təhlükəsizlik Şurasında Yaxın Şərq üzrə ABŞ-ın müəllifi olduğu qətnamə layihəsinə veto qoyub.

Busaat.az bu barədə TASS-a istinadən xəbər verir.

Qətnamə layihəsini on ölkə dəstəkləyib, Rusiya, Çin və BƏƏ isə əleyhinə səs verib, daha iki ölkə isə bitərəf qalıb.

Layihədə HƏMAS hərəkatının İsrailə hücumu pislənilir, girovların azad edilməsi və beynəlxalq humanitar hüquqa riayət olunması tələb olunur.

Qeyd edək ki, daha əvvəl Rusiyanın BMT-dəki daimi nümayəndəsi Vasili Nebenzya bildirib ki, Rusiya ABŞ-ın qətnaməsini dəstəkləməyəcək.

Pəri Əlizadə,
Busaat.az