Rusiyada kiçik mühərrikli təyyarə qəzaya uğrayıb, ölənlər var
Rusiyanın paytaxtı Moskvada kiçik mühərrikli təyyarənin qəzaya uğraması nəticəsində iki nəfər həyatını itirib.
Busaat.az xəbər verir ki, Rusiya Fövqəladə Hallar Nazirliyinin yaydığı bəyanata görə, kiçik mühərrikli təyyarə Moskvadakı Myaçkovo hava limanı yaxınlığında təlim uçuşu zamanı qəzaya uğrayıb.
Qəzanın səbəbi hələ müəyyən edilməyib. Hadisə nəticəsində iki nəfər ölüb. Məlumata görə, qəza dağıntıya səbəb olmayıb. Hadisə yerində axtarış və xilasetmə işləri davam etdirilir.
