Rusiyadan Çinə balıq məhsullarının tədarükü 2023-cü ilin səkkiz ayında 20% artaraq 776 min metrik ton təşkil edib.
Busaat.az xəbər verir ki, bu barədə Ümumrusiya Balıq İstehsalçıları Assosiasiyası (ARAFP) məlumat yayıb.
“2023-cü ilin səkkiz ayı ərzində tədarük 20% artaraq 776 min metrik tona çatıb. Onların dəyəri 1,9 milyard dollar təşkil edib”, – məlumatda bildirilir.
Assosiasiya prezidenti German Zverev bildirib ki, Çinin daxili bazarında yeni məhsul nişlərinin açılması tədarükün daha da artmasına kömək edəcək.
Zverev qeyd edib ki, Çin bazarı bütün dünya üçün maraqlıdır.
“Çin ÜTT-yə daxil olduqdan sonra qlobal emal mərkəzi kimi mövqeyini möhkəmləndirib. Çinin balıq məhsullarının idxalı iyirmi il ərzində on dəfə artaraq 1,8 milyard dollardan 18 milyard dollara çatıb”, – o əlavə edib.
Natiq Kərimli,
Busaat.az
