Ruslar rublun devalvasiyası səbəbindən 2023-cü ildə xaricdə əmlak alışının sayını kəskin şəkildə azaldıb.
Busaat.az “Kommersant”a istinadən xəbər verir ki, Prian.ru analitikləri satışların illik 45%, “Tranio” ekspertləri isə bu il müraciətlərin sayının 32% azaldığını deyir.
İki əsas bazarda – BƏƏ və Türkiyədə tələbin nəzərəçarpacaq dərəcədə azalması bütün bazara mənfi təsir göstərib. İl ərzində bu sahələr üzrə müraciətlərin sayı müvafiq olaraq 17% və 71% azalıb. Prian.ru Türkiyədə faizin 60%, BƏƏ-də isə 25-30% azalacağını təxmin edir. “Tranio”nun həmtəsisçisi Mixail Bulanov deyir ki, Türkiyənin timsalında yeni qanunvericilik təşəbbüsləri öz təsirini göstərib. O cümlədən, ölkədə yaşayış icazəsi almaq üçün investisiya həddini 50 min dollardan 200 min dollara qədər artırıb və 2024-cü il yanvarın 1-dən qısamüddətli kirayə mənzillər yalnız xüsusi lisenziya alındıqdan sonra mümkün olacaq.Həmçinin Avropada daşınmaz əmlakın alınması ilə bağlı mənfi tendensiya davam edir. “Tranio” hesab edir ki, rusların Yunanıstanda mənzilə tələbatı il ərzində 17%, İspaniyada 40%, Monteneqroda 38%, İtaliyada 19% azalıb.
Busaat.az
