Saakaşvili Gürcüstanda siyasətlə məşğul ola bilməz
Gürcüstanın sabiq prezidenti Mixail Saakaşvili həkimlərin tövsiyəsi ilə həbsxanaya köçürüləcək.
Busaat.az xəbər verir ki, bu barədə Gürcüstan Ədliyyə Nazirliyinin rəhbəri Rati Breqadze bildirib.
“Həkim tövsiyəsi əsasında cəzaçəkmə müəssisəsinə qaytarılacaq. Saakaşvili Ukrayna vətəndaşı olduğu üçün Gürcüstanda siyasətlə məşğul ola bilməz”, – Breqadze deyib.
Qeyd edək ki, 2021-ci il oktyabrın 1-də həbs olunduqdan sonra Saakaşvili cəmi altı ay həbsxanada qalıb.
O, əvvəlcə həbsxanada, sonra hərbi hospitalda, 2022-ci ilin mayından isə Vivamedi klinikasında müalicə alıb.
Pəri Əlizadə,
Busaat.az
