Səudiyyə Ərəbistanının energetika naziri Əbdüləziz bin Salman ölkəsinin iyul ayı üçün gündəlik neft hasilatını könüllü olaraq əlavə 1 milyon barel azaldacağını və vəziyyətdən asılı olaraq bu azalmanın uzadıla biləcəyini bildirib.
Busaat.az xarici mediaya istinadən xəbər verir ki, Səudiyyə Ərəbistanının başçılıq etdiyi 13 OPEC üzvü və Rusiyanın başçılıq etdiyi OPEC-ə daxil olmayan 10 neft hasil edən ölkənin enerji və neft nazirlərinin Avstriyanın paytaxtı Vyanada bazar vəziyyətini qiymətləndirmək üçün bir araya gəldiyi 35-ci OPEC və qeyri-OPEC Nazirlər Toplantısı sona çatıb.
Səudiyyə Ərəbistanının energetika naziri Əbdüləziz bin Salman görüşdən sonra verdiyi açıqlamada, tərəflər arasında “görünməmiş” razılaşma ilə bazarın daha ədalətli, görünən və şəffaf olacağını bildirib.
İyul ayında ölkəsinin gündəlik əlavə hasilatı könüllü olaraq 1 milyon barel azaldacağı ilə bağlı məlumatı paylaşan Bin Selman, vəziyyətə görə əlavə azaltma qərarının uzadılacağını bildirib.
OPEC+ ölkələrinin qiymət indeksi üzərində hərəkət etmədiyini bildirən nazir Bin Selman bu yanaşmanın uğursuz olduğunu müdafiə edib.
Sözügedən iclasda alınan qərarlarla bağlı OPEC-dən verilən yazılı açıqlamada, OPEC+ ölkələrinin bu ilin sonuna qədər gündəlik hasilatın azaldılmasında heç bir dəyişiklik etməyəcəyi, bütün üzv ölkələrin gündəlik neft hasilatını bu səviyyədə saxlayacağı bildirilib.
Açıqlamada, Nazirlərin Birgə Monitorinq Komitəsinin (JMMC) neft bazarındakı cari hadisələri qiymətləndirmək üçün iki aydan bir toplanacağı, 36-cı OPEC və qeyri-OPEC Nazirlər Görüşünün isə 26 Noyabr 2023-cü ildə keçiriləcəyi paylaşılıb.
Busaat.az
