“Şübhəli təxribatlardan sonra neft və qaz qurğularının ətrafında iki əsas boru kəmərində gücləndirmə işləri aparacağıq”.
Busaat.az xəbər verir ki, bu barədə Avropa ölkələri ortaq bəyanat ilə çıxış edib. Avropa İttifaqı (Aİ), ABŞ və NATO Rusiya və Almaniya arasındakı boru kəmərlərinin zədələnməsinin qəsdən planlandığını bildirib.
Qeyd edək ki, “Şimal axını 1” və “Şimal axını 2” boru kəmərlərində sızma Bazar ertəsi və Çərşənbə axşamı baş verib.
“Borudakı qaz tükənənə qədər sızmalar ən azı bir həftə davam edəcək. Artıq istintaqa başlanılıb” -deyə, Danimarka Energetika naziri Dan Corqensen bildirib. Rusiya prezidentinin köməkçisi Dimitri Peskov isə, təxribatla bağlı Rusiya əleyhinə səsləndirilən ittihamları absurd adlandırıb. Peskov həmçinin sızmalarla bağlı dərindən narahat olduqlarını və hadisənin planlanmış təxribat olması ehtimalını istisna etmədiyini qeyd edib.
ABŞ Milli Təhlükəsizlik məsləhətçisi Ceyk Sullivan ölkəsinin Avropanın enerji təhlükəsizliyini qorumaq üçün fəaliyyətini davam etdirəcəyini söyləyib.
Busaat.az
