“Balticconnector”da qaz sızması Finlandiyanın enerji sisteminin işinə təsir etməyəcək.
Busaat.az xəbər verir ki, bu barədə Finlandiyanın dövlət elektrik şəbəkəsi şirkəti “Fingrid” açıqlama yayıb.
“Finlandiya ilə Estoniya arasında qaz kəmərinə və sualtı rabitə kabelinə dəyən ziyan şirkətin qış mövsümündə ölkədə kifayət qədər elektrik enerjisinin olacağına dair əvvəlki qiymətləndirməsinə təsir göstərmir”, – məlumatda bildirilib.
Finlandiyanın qaz nəqli sisteminin operatoru Qasqrid daha əvvəl bildirmişdi ki, Finlandiya və Estoniya arasında “Balticconnector” sualtı qaz kəmərinin istismarı şübhəli sızma səbəbindən dayandırılıb. 8 oktyabr 2023-cü ildə Qasqrid Finlandiya və Estoniyanın qaz ötürmə sisteminin operatoru Elering iki ölkə arasındakı dəniz qaz kəmərində səhər saat 2:00-dan az müddət əvvəl təzyiqdə qeyri-adi eniş müşahidə ediblər. Operator bildirib ki, həmin müşahidələrə əsasən, Finlandiya və Estoniya arasında dəniz boru kəmərinin sızması şübhəsi yaranıb.
Finlandiya rəsmiləri dünən bildiriblər ki, oktyabrın 9-da qaz kəmərinə dəymiş ziyanın kənar fəaliyyət nəticəsində aşkar olunduğu istisna edilmir. Hadisənin səbəbləri ilə bağlı araşdırma aparılır.
