Slovakiya hökuməti Ukraynadan taxıl idxalını dayandıracaq.
Busaat.az xəbər verir ki, bu barədə Pravda qəzeti yazıb.
Qəzet qeyd edir ki, Nazirlər Kabinetinin ofisində gün ərzində Ukrayna taxılının və bir sıra digər məhsul növlərinin idxalının müvəqqəti məhdudlaşdırılması məsələsi ilə bağlı idarələrarası işçi qrupunun iclası keçiriləcək: “Bundan sonra hökumət səviyyəsində Ukraynadan malların tədarükünü tənzimləyən daha sərt siyasət tətbiq etmək lazım olduğu bildirilib”.
Qeyd edək ki, aprelin 16-da Polşa və Macarıstan Ukrayna kənd təsərrüfatı məhsullarının idxalına iyunun 30-dək müvəqqəti embarqo qoyub.
Bundan əvvəl Bolqarıstan, Macarıstan, Polşa, Rumıniya, Slovakiya və Çexiya Ukrayna taxılının alınması üzrə vahid Avropa mexanizminin yaradılmasını və Avropa İttifaqında Ukraynanın kənd təsərrüfatı məhsullarına gömrük kvotalarının tətbiqini alqışlayıblar.
Busaat.az
