Almaniya kansleri Olaf Şolz dünən axşam ABŞ prezidenti Co Baydenlə telefonla danışıb.
Busaat.az xəbər verir ki, bu barədə məlumatı Almaniya Baş Nazirliyi yayıb.
Məlumata görə, Şolzu Baydenlə Çin Xalq Respublikasına səfəri və Ukraynadakı vəziyyətlə bağlı fikir mübadiləsi aparıb.
Açıqlamada, Olaf Şolzun Pekinə səfəri ilə bağlı ABŞ prezidenti Baydenə məlumat verdiyi və iki liderin Çin dövlət başçısı Si Tsinpinin nüvə silahının istifadəsinə qarşı verdiyi bəyanatını yüksək qiymətləndirdiyi vurğulanıb.
Görüşdə Bayden və Şolz Rusiyanın Ukraynada mülki infrastrukturu, xüsusilə enerji təchizatı obyektlərini bombalamağa davam etməsini pisləyib və iki lider Ukraynaya dəstəyi davam etdirmək əzmində olduqlarını təkrarlayıblar.
Busaat.az
