"Starlink" Hindistanda doqquz rabitə stansiyası tikəcək

İlon Maskın “SpaceX” şirkətinə məxsus “Starlink” şirkəti Hindistanda doqquz peyk rabitəsi stansiyası tikməyi planlaşdırıb və yerli təhlükəsizlik qaydalarına uyğunluğu təmin etmək üçün müvəqqəti spektr ayırıb.

Busaat.az xəbər verir ki, “The Times of India”nın yazdığına görə, stansiyalar Mumbay, Noida, Çandiqarh, Heydərabad, Kəlkütə və Lakxnau şəhərlərində tikiləcək.

“Şirkət Hindistan üzərindəki peyk bürcünü 600 Gbps ötürmə qabiliyyəti ilə təmin etmək üçün müraciət edib. Bu spektr Hindistanın təhlükəsizlik tələblərinə uyğunluğunu təsdiqləmək üçün kommersiya xidmətləri göstərilmədən müvəqqəti olaraq ayrılıb”, – “Starlink” nümayəndəsi bildirib.

Xaricdə məlumatların sui-istifadəsinin qarşısını almaq üçün peyk rabitə stansiyalarının fəaliyyəti və məlumatların saxlanması yalnız Hindistan vətəndaşları tərəfindən təmin ediləcək. Əcnəbilərin işə götürülməsi yalnız Hindistan Daxili İşlər Nazirliyinin xüsusi icazəsi ilə mümkün olacaq.

Yeganə