Taliban rəsmi olaraq “Bir kəmər, bir yol” təşəbbüsünə qoşulur

Taliban rəsmi olaraq Çin prezidenti Si Cinpinin “Bir kəmər və yol” təşəbbüsünə qoşulmaq istəyir və danışıqlar üçün Çinə texniki qrup göndərəcək.

Busaat.az xəbər verir ki, bunu Əfqanıstanın ticarət naziri Hacı Nuruddin Əzizi bildirib.

“Biz Çindən “Bir Kəmər və Yol” Təşəbbüsünün bir hissəsi olmağımıza icazə verməsini xahiş etdik, və bu gün texniki məsələləri müzakirə edirik”, – Əzizi deyib.

Onun sözlərinə görə, administrasiya təşəbbüsə qoşulma problemlərini “daha yaxşı başa düşmək” üçün Çinə texniki qrup göndərəcək.

Əfqanıstan Çinə zəngin, arzuolunan mineral ehtiyatlar təklif edə bilər.

“Bütün dünyada sərmayə qoyan Çin Əfqanıstana da sərmayə qoymalıdır. Əfqanıstanda onların litium, mis və dəmir kimi ehtiyacı olan hər şey var”, – deyə Əzizi qeyd edib.

Natiq Kərimli,
Busaat.az