“Talıbovdan başlayaraq növbəti istefaları müşahidə edəcəyik” - ŞƏRH

“Naxçıvan Muxtar Respublikası Azərbaycan üçün stratejik əhəmiyyətli ərazidir”.

Bunu Naxçıvan Muxtar Respublikası Ali Məclisinin sədri Vasif Talıbovun istefasına münasibət bildirən politoloq Turan Rzayev Busaat.az-a açıqlamasında deyib.

O, bildirib ki, Talıbovun istefası Naxçıvanda yeni dönəmin başlandığına işarədir:

“Regionda siyasi proseslər sürətli şəkildə dəyişir. Respublikada islahatların olacağı gözlənilən idi. 2023-cü ildə Talıbovdan başlayaraq növbəti istefalar və yaxud vəzifəyə təyin olunmalar müşahidə edəcəyik. Hakimiyyət daha yaxşı kollektivlə işləməyi üstün sayır. Demək olar köhnə kadların bir çoxu ilə vidalaşılıb.

Naxçıvan Muxtar Respublikası Azərbaycan üçün strateji əhəmiyyətli ərazidir. Aparılan islahatlar dövlətin milli maraqları çərçivəsində aparılır. Naxçıvan Türkiyə və İranın maraqlarının kəsişdiyi zonadır. Qars müqaviləsinə əsasən Türkiyə Naxçıvanın təhlükəsizliyinə qarantor ölkədir”.

Busaat.az/Ələsgər