"Tezliklə Çin vətəndaşları üçün viza rejimi ləğv ediləcək" - Putin

Rusiya prezidenti Vladimir Putin Çin vətəndaşları üçün viza rejiminin ləğvi ilə bağlı güzgü tədbirlərinin tezliklə Rusiyada qüvvəyə minəcəyini açıqlayıb.

Busaat.az xəbər verir ki, bu barədə “İnterfaks” məlumat yayıb.

“Xalqlarımız arasında əlaqələrin daha da möhkəmlənməsinə, şübhəsiz ki, çinli dostlarımızın Rusiya vətəndaşları üçün vizasız rejim tətbiq etmək qərarı kömək edəcək. Biz bu xoşməramlı jestə görə minnətdarıq.

Bizim tərəfimizdən Rusiyaya səfər edən Çin Xalq Respublikasının vətəndaşları üçün güzgü tədbirləri çox yaxın gələcəkdə qüvvəyə minəcək”, – Putin Çin Dövlət Şurasının Baş naziri Li Qianqla görüşündə deyib.

Rusiya prezidenti bunun həm iqtisadi, həm də humanitar sahədə çox ciddi nəticələrə gətirib çıxaracağına əminliyini ifadə edib:

“Bu, mənim fikrimcə, münasibətlərimizin inkişafında müsbət, müsbət “partlayış” olacaq”, – Putin bildirib.

Yeganə