Tramp Beynəlxalq Cinayət Məhkəməsinə sanksiya tətbiq etməyi planlaşdırır

ABŞ prezidenti Donald Tramp Beynəlxalq Ciayət Məhkəməsinə (ICC) qarşı sanksiyaların tətbiqi ilə bağlı sərəncam imzalamaq niyyətindədir. Busaat.az xəbər verir ki , bu barədə Ağ Evin nümayəndəsi Reuters agentliyinə istinadən məlumat yayıb.

Mənbənin sözlərinə görə, Tramp fevralın 6-da BCM-nin ABŞ vətəndaşlarına və ya onun müttəfiqlərinə qarşı apardığı araşdırmaları dəstəkləyən şəxslərə və onların ailələrinə maliyyə və viza məhdudiyyətləri tətbiq edəcək sərəncam imzalayacaq.

Beynəlxalq Cinayət Məhkəməsinə qarşı sanksiya təhlükəsi məhkəmənin 2024-cü ilin noyabrında İsrailin baş naziri Benyamin Netanyahu və İsrailin keçmiş müdafiə naziri Yoav Qalantı Qəzzada hərbi cinayətlər və insanlığa qarşı cinayətlərlə bağlı həbs qərarı çıxardıqdan sonra yaranıb.

Ağ Evin sözçüsü qeyd edib ki, Tramp administrasiyası beynəlxalq hüquqi forumlarda ABŞ və müttəfiqlərinin maraqlarını qorumaq üçün sərt tədbirlər görəcək.