"Türkiyə-ABŞ əməkdaşlığı böyük əhəmiyyət kəsb edir" - Fidan

Türkiyənin xarici işlər naziri Hakan Fidan ABŞ-a son səfəri zamanı Suriya ilə bağlı məsələləri ətraflı müzakirə etdiyini və bu kontekstdə Ankara ilə Vaşinqton arasında əməkdaşlığın vacib olduğuna inandığını bildirib.

Busaat.az xəbər verir ki, bu barədə “TRThaber” məlumat yayıb.

“Ağ Evdə apardığımız danışıqlar çox məhsuldar keçdi. ABŞ prezidenti Donald Tramp və müvəqqəti Suriya prezidenti Əhməd əl-Şara ilə bəzi görüşlərdə iştirak edə bildik. Suriya ilə bağlı əsas məsələlərdə Türkiyənin mövqeyini aydın şəkildə ifadə edə bildik və prezidentimizin baxışını çatdıra bildik.

Fidan Misirin xarici işlər naziri Bədr Əbdül Ata ilə Ankarada keçirdiyi mətbuat konfransında deyib: “Biz Amerika və Türkiyənin bu məsələləri, xüsusən də ölkənin birliyini və bütövlüyünü qorumaq kimi mühüm məsələni birgə necə həll edə biləcəyini müzakirə etdik. ABŞ və Türkiyə arasında və region ölkələri ilə əməkdaşlıq böyük əhəmiyyət kəsb edir”.

Yeganə