"Türkiyə bu diplomatiyanı müdafiə etməyə davam edəcək" - Ərdoğan

“Türkiyə Ukraynadakı münaqişə ilə bağlı mövqeyini dəyişməyib və hesab edir ki, bu münaqişə diplomatiya, xüsusən də İstanbul prosesi vasitəsilə həll edilməlidir”.

Busaat.az xəbər verir ki, bunu Türkiyə prezidenti Rəcəb Tayyib Ərdoğan Ankarada Cənubi Koreya prezidenti Li Çje Myonqla danışıqlardan sonra keçirdiyi mətbuat konfransında deyib.

“Ukrayna ilə bağlı mövqeyimiz dəyişməz olaraq qalır: münaqişəyə son qoyulmalı, tərəflər diplomatik həll istiqamətində addımlar atmalı və danışıqlar masası arxasına əyləşməlidir. Bildiyiniz kimi, həftə ərzində mən cənab Volodimir Zelenski ilə görüşdüm və cənab Rusiya Prezidenti Vladimir Putinlə danışıqlar apardım.

Türkiyə İstanbul prosesi başda olmaqla, davamlı sülhün əldə edilməsinə yönəlmiş bütün diplomatik təşəbbüsləri dəstəkləməyə davam edəcək”.

Yeganə