Türkiyə NATO-ya üzv olmaq istəyən İsveç və Finlandiyaya tələblərini AÇIQLADI

Xarici işlər naziri Çavuşoğlu NATO-ya müraciət etməyə hazırlaşan İsveç və Finlandiyaya iki şərt təqdim edib.

Boyukserg.az-ın xarici mediaya istinadən məlumatına görə, Türkiyənin NATO-nun açıq qapı siyasətini hər zaman dəstəklədiyini vurğulayan Çavuşoğlu, xüsusilə təhdidlər qarşısında ittifaq həmrəyliyinin çox vacib olduğunu vurğulayıb:

“Terrora dəstəyi dayandırmalıdırlar. Onlar həmçinin Türkiyəyə müdafiə sənayesi ixracına qoyulan məhdudiyyətləri aradan qaldırmalıdırlar. Bu iki ölkə arasında PKK/YPG terror təşkilatları və üzvləri ilə görüşlər və xüsusilə İsveçin verdiyi silah yardımı da daxil olmaqla, narahat olduğumuz bütün məsələlərə niyə qarşı olduğumuzu açıq şəkildə nümayiş etdirdik. Biz izah etdik ki, bu dövlətlər və NATO üzvü olan və artıq bu terror təşkilatları ilə görüşüb dəstək olan, Türkiyəyə ixraca məhdudiyyətlər qoyan, xüsusilə ixracat və müdafiə sənayesi məhsullarına öz mövqelərindən əl çəkməlidirlər və bunun ittifaq ruhuna zidd olduğunu söylədik”.