Hayfa şəhər şurasının “Erməni soyqırımı”nı tanımaq qərarı 2022-ci ildə tənzimlənən İsrail-Türkiyə münasibətləri üçün ciddi sınaq ola bilər.
Busaat.az Ynet-ə istinadən xəbər verir ki, Türkiyənin İsraildəki səfiri İsrail hökumətinə müraciət edərək, Hayfada guya Birinci Dünya Müharibəsi zamanı Osmanlı İmperiyası tərəfindən həyata keçirilən “erməni soyqırımı” qurbanlarına həsr olunmuş abidənin yaradılmasının qarşısının alınmasını tələb edib.
İsrail bu tələbi yerinə yetirməkdən imtina edərsə, Türkiyə ilə münasibətlərin yaxşılaşdırılması dayandırıla bilər.
Türkiyənin səfiri Şakir Özkan Torunların məktubu İsrailin mədəniyyət və idman naziri Miki Zohara ünvanlanıb, o, bu məktuba cavab verməkdən çəkinərək, İsrail Xarici İşlər Nazirliyinə göndərib və sonuncu bu xatirə abidəsi ilə bağlı məsləhətləşmələr aparıb.
Torunların məktubunun cavabsız qalması barədə göstəriş verilib. Məlumata görə, Türkiyə tərəfi tədbir görməkdə israr edərsə, Ankaraya izah edəcəklər ki, söhbət İsrail hökumətinin və ya dövlət strukturunun deyil, yerli hakimiyyət orqanlarının qərarından gedir.
