"Türkiyənin vasitəçilik rolunu yüksək qiymətləndiririk" - Rusiya

Rusiyanın xarici işlər naziri Sergey Lavrov Türkiyənin Ukrayna böhranının həllində vasitəçilik rolunu yüksək qiymətləndirdiklərini ifadə edib.

Busaat.az xəbər verir ki, bu barədə Lavrov və Rusiyada səfərdə olan Belarusun xarici işlər naziri Maksim Rıjenkov xarici işlər nazirliklərinin icraçı şuralarının iclasında iştirak ediblər.

Lavrov qeyd edib ki, prezident Rəcəb Tayyib Ərdoğan da vasitəçilik platformasının yaradılmasında dəstək verməyə hazırdır.

Görüşdən sonra iki nazir Rusiya və Belarus xarici işlər nazirlikləri arasında 2026-cı il üçün məsləhətləşmələr planını imzalayıb və mətbuat konfransı keçirib.

İclasda çıxış edən Lavrov, ABŞ prezidenti Donald Trampın Ukrayna böhranının həlli ilə bağlı sülh planını dəyərləndirərək vurğulayıb: “Bu planın fundamental müddəaları Ankoric sammitində əldə edilən anlaşmalara əsaslanır. Bu prinsiplər ümumiyyətlə planda yer alıb. Biz bunu müsbət qarşıladıq”.

Bu planın qeyri-rəsmi olaraq Rusiyaya çatdırıldığını bildirən Lavrov, “Biz bu planı rəsmi olaraq almamışıq, lakin onun prinsipləri üzərində məsləhətləşməyə hazırıq, çünki aydınlaşdırılması lazım olan bir sıra məsələlər var. Planın mətbuatda yayılan versiyasını hələ ABŞ-dan almamışıq”,-deyib.

Yeganə