"Ukrayna Amerika sülh planının şərtləri ilə razılaşıb" - ABC

“Ukrayna Ukrayna münaqişəsi üzrə potensial sülh sazişinin şərtləri ilə bağlı Birləşmiş Ştatlarla razılaşıb, baxmayaraq ki, planın bəzi təfərrüatları hələ də ütülənməlidir”.

Busaat.az xəbər verir ki, bu barədə ABŞ rəsmisi “ABC News”a bildirib ki,

“Ukraynalılar sülh sazişi ilə razılaşıblar. Bəzi xırda detallar var ki, onları aradan qaldırmaq lazımdır, lakin onlar sülh sazişinə razılaşıblar”, – telekanal onun sözlərindən sitat gətirib.

Daha əvvəl “Politico” mənbələrə istinadən iddia etmişdi ki, ABŞ ordu katibi Daniel Driskoll çərşənbə axşamı Əbu-Dabidə keçiriləcək görüşdə Ukrayna nizamlanmasına dair 28 deyil, 19 bəndlik planı Rusiya tərəfinə təqdim edəcək.

Rusiya prezidentinin mətbuat katibi Dmitri Peskov bəyan edib ki, Kreml Rusiya və ABŞ nümayəndələrinin Əbu-Dabidəki təmasları ilə bağlı mətbuatda çıxan xəbərləri diqqətlə izləyir, lakin hazırda bununla bağlı heç bir yenilik yoxdur.

Yeganə