Ukrayna və ABŞ nümayəndə heyətləri arasında GƏRGİNLİK

ABŞ ilə Ukrayna arasında yardım müqaviləsinin imzalanması prosesi ciddi fikir ayrılıqları və diplomatik gərginliklə müşayiət olunub.

“Busaat.az” xəbər verir ki, “Financial Times” prosesin imzalanması mərhələsində tərəflər arasında ciddi fikir ayrılıqlarının olduğunu iddia edib.

Məlumata görə, ABŞ rəsmilərinin Ukrayna nümayəndə heyətinə “Bütün sənədləri imzalayın və ya ölkənizə qayıdın” deyərək ultimatum verdiyi bildirilib.

Daily Mail yazır ki, Kiyev administrasiyası fondun strukturu ilə bağlı iki əlavə sazişə dəyişiklik edilməsini xahiş edib.

Ukrayna tərəfi bu sənədlərin yenidən işlənməli olduğunu bildirib.

Qeyd edək ki, yanvarın 19-dan prezidentliyə başlayan Donald Tramp qısa müddət sonra Ukraynaya yardımı dayandırıb. Tramp Ukraynanın mədənlərini ABŞ şirkətlərinə açacaq razılaşmanın Kiyev administrasiyasına hərbi və iqtisadi dəstək verilməsi üçün ilkin şərt olduğunu bildirmişdi.

Şövkət Əliyeva

Busaat.az