"Ukraynanın Aİ-yə qəbul edilməsini dəlilik hesab edirik" - Siyarto

“Budapeşt Serbiyanın Avropa İttifaqına qoşulmağa hazır olduğuna inanır, lakin Ukraynanın tez bir zamanda icmaya qəbul edilməsi təşəbbüslərini dəlilik adlandırır”.

Busaat.az xəbər verir ki, bu barədə Macarıstanın xarici işlər naziri Peter Siyarto Serbiyanın Radio Televiziyasına müsahibəsində bildirib.

“Ukraynanın Avropa İttifaqına daxil olması Aİ üçün yalnız təhlükə yaradır. Müharibə təhlükəsi, korrupsiya təhlükəsi, Ukrayna mafiyasının təhlükəsi, qeyri-sağlam kənd təsərrüfatı məhsulları təhlükəsi. Ukrayna tamamilə hazırlıqsız və təhlükə yaratsa da, bir çox Avropa ölkələri Serbiyadan əvvəl Ukraynanı qəbul etmək istəyir.

Serbiyaya bəli, Ukraynaya yox – bu, bizim Aİ-yə üzvlüklə bağlı mövqeyimizdir”, – macar nazir qeyd edib.

Siyarto Aİ-nin genişlənmə siyasətinin tamamilə uğursuz olduğunu və son dərəcə ikiüzlü olduğunu vurğuladı. O, həmçinin bəyan edib ki, Serbiya iqtisadiyyatı bir çox Avropa ölkələrinin həsəd aparacağı artım templəri nümayiş etdirir.

Yeganə