Rusiya ordusu Ukraynanın Poltava vilayətində sənaye obyektinə zərbələr endirib.
Busaat.az xəbər verir ki, bu barədə vilayət administrasiyasının rəhbəri Dmitri Lunin “Telegram”da bildirib.
Onun sözlərinə görə, obyektdə istehsal sahəsi tamamilə dağıdılıb. Dağıntıların çıxarılması üçün iş gedir. Obyekt haqqında əlavə məlumat yoxdur.
Ötən gecə Ukraynanın əksər bölgələrində, o cümlədən Poltava vilayətində hava hücumu sirenləri işə düşüb. Ukrayna KİV-ləri Dnepropetrovsk vilayətinin Krivoy Roq şəhərində də partlayışlar barədə məlumat yayıb.
