UNICEF: "Nigeriyada 7,6 milyon qız təhsildən məhrumdur"

Nigeriyada 7,6 milyon məktəb yaşlı qızın təhsildən məhrumdur.

Busaat.az xəbər verir ki, bu barədə Birləşmiş Millətlər Təşkilatının Uşaq Fondunun (UNICEF) Nigeriya nümayəndəsi Kristian Munduate bildirib.

Kano əyalətində “11 Oktyabr Beynəlxalq Qız Uşaqları Günü” üçün təşkil edilən proqramda çıxış edən Munduate deyib ki, dünyada məktəbə getməyən uşaqların 15 faizi Nigeriyadadır.

Nigeriyada 7,6 milyon qız uşağının təhsil almaq imkanından məhrum olduğunu və əksəriyyətinin şimal bölgəsində yaşadığını bildirən təçkilat nümayəndəsi qızların yalnız yüzdə 9-unun orta məktəbə getmək şansının olduğunu söyləyib.

Munduate bu rəqəmlərin təkcə statistik məlumat deyil, həm də “oyanış zəngi” olduğuna diqqət çəkərək, qızların təhsilə çıxış imkanlarına ümid etdiyini bildirib.

UNICEF-in Nigeriya Nümayəndəsi səlahiyyətliləri və beynəlxalq ictimaiyyəti Nigeriyada məktəb yaşlı qızların arzularını həyata keçirməyə kömək etməyə çağırıb.