Tibb aləmində istifadə edilən stetoskop süni intellektin dəstəyi ilə böyük transformasiyadan keçir. Böyük Britaniyada “Imperial College London” və “Imperial College Healthcare NHS Trust” tərəfindən hazırlanmış yeni cihaz ürək çatışmazlığı və qulaqcıqların fibrilasiyası kimi ritm pozğunluqlarını cəmi 15 saniyəyə aşkar edə bilir.
Busaat.az xəbər verir ki, Kaliforniyada yerləşən “Eko Health” tərəfindən istehsal olunan cihaz təxminən bir kart qalınlığındadır.
Xəstənin sinəsinə yerləşdirilərək ürəyin elektrik siqnallarını və qan axını səslərini təyin edir. Bu məlumatlar süni intellekt alqoritmlərinin anormallıqları təhlil etdiyi buludlara təhlükəsiz şəkildə ötürülür. Nəticələr saniyələr ərzində mobil telefona göndərilir.
Cihaz Böyük Britaniyada 200 ailə həkimliyi klinikasında 12 000 xəstə üzərində aparılan sınaqlarda yüksək dəqiqlik nümayiş etdirib. Madriddə keçirilən Avropa Kardiologiya Cəmiyyətinin konqresində açıqlanan nəticələrə görə, bu stetoskopla müayinə edilən xəstələr:
Ürək çatışmazlığı diaqnozu qoyulma ehtimalı iki dəfə artıb
Ürək qapağı xəstəliyi diaqnozu qoyulma ehtimalı təxminən iki dəfə artıb
Atrial fibrilasiya diaqnozu qoyulma ehtimalı üç dəfə artıb.
Erkən diaqnoz həyat xilas edir
Mütəxəssislərin fikrincə, ürək xəstəliklərinin erkən diaqnozu vacibdir. Bir çox ürək çatışmazlığı halları yalnız xəstələr ağır vəziyyətdə xəstəxanaya müraciət etdikdə aşkar edilir. Süni intellektlə işləyən stetoskop sayəsində ailə həkimləri riskləri erkən müəyyən edə, həyat qurtaran müalicələrə daha tez başlanmağa imkan verir.
Səhiyyə sisteminə töhfə verəcək
Alimlər qeyd edirlər ki, cihaz bəzən yalançı müsbət nəticələr verə bilər, bu da onu nəfəs darlığı və ya yorğunluq kimi simptomları olan insanlarda istifadə üçün daha uyğun edir. Səhiyyə mütəxəssislərinin fikrincə, texnologiya təkcə insanların həyatını xilas etməyəcək, həm də ciddi fəsadların qarşısını almaqla səhiyyə xərclərini azaldacaq.
Tədqiqata dəstək verən Britaniya Ürək Fondu və Milli Sağlamlıq Araşdırmaları İnstitutu yeni texnologiyanı “Oyunu dəyişdirən” kimi qiymətləndirib.
Tədqiqatçılar vurğulayıblar ki, müasir diaqnostik cihazlar hazırda icma sağlamlıq mərkəzlərində tətbiq olunur.
Yeganə
