Vətən uğrunda canından keçən şəhidlərimizin sayı açıqlanıb
Bu günədək Vətənimizin bütövlüyü uğrunda canını fəda edən şəhidlərimizin sayı açıqlandı.
Busaat.az xəbər verir ki, ZƏFƏR Şəhid Ailələrinə Dəstək İctimai Birliyindən verilən məlumata əsasən 1988-2024-cü illər ərzində 3493 nəfəri mülki, 15 min 357 nəfəri hərbi qulluqçu olmaqla, ümumilikdə 18 min 850 şəxs Ermənistanın Azərbaycana qarşı hərbi təcavüzü nəticəsində qətlə yetirilib. Həmçinin 4435 nəfəri mülki, 51 min 803 nəfəri hərbi qulluqçu olmaqla, ümumilikdə 56 min 268 şəxsə müxtəlif dərəcəli bədən xəsarətləri yetirilməklə qəsdən öldürülmələrinə cəhd edilib.
Vətən uğrunda canlarından keçən bütün qəhrəman şəhidlərimizi dərin ehtiramla yad edirik!
