Co Baydenin İsrail və Ukrayna ilə bağlı çıxışı “müharibənin qızışdırılmasına” töhfə verib.
Busaat.az xəbər verir ki, bu sözləri ABŞ-ın sabiq prezidenti Donald Tramp deyib.
“Baydenin çıxışı İsrailə xəyanət və müharibəyə təhrikdir. ABŞ onun üçün sonuncu yerdədir”, – o, bildirib.
Tramp qeyd edir ki, prezident kürsüsündə olsaydı, Ukraynadakı münaqişənin və Yaxın Şərqdə gərginliyin qarşısını ala bilərdi.
“Vicdansız Baydenin zəifliyi fəlakətli dünya münaqişəsinə səbəb olacaq. Üzr istəyirəm, bu, artıq buna gətirib çıxarıb”, – Tramp əlavə edib.
Qeyd edək ki, oktyabrın 19-da Bayden Ağ Evdə çıxış edərək, Ukrayna və İsrailə yardımın davam etdirilməli olduğunu israr edib.
Natiq Kərimli,
Busaat.az
