“Xəzər beşliyi” fəaliyyətini necə davam etdirəcək?

“Bütün Mərkəzi Asiya oyunçuları, o cümlədən görünməmiş nəqliyyat blokadası şəraitində Qərb dəhlizlərindən tamamilə məhrum olmuş Rusiya da Xəzərdə sabitlikdə və yeni marşrutlarda maraqlıdır”.

“Nezavisimaya qazeta” xəbər verir ki, bunu Xəzər Strateji Araşdırmalar İnstitutunun regional layihələr üzrə direktoru Yuri Solozobov bildirib.

O, VI Xəzər Sammitində beş sahilyanı dövlətin Xəzər Şurası adlı qurum yaradılması ideyasını şərh edib.

Y.Solozobovun sözlərinə görə, müxtəlif dəhlizlərin birləşdirilməsi, cənub multimodal marşrutunun yaradılması, Şərq-Qərb yolunun Türkmənbaşı limanı, Xəzər dənizindəki Rusiya limanları və Bakı limanı vasitəsilə davam etdirilməsidir.

O deyib: “Bütün tərəflər bu böyük tranzit potensialından birgə istifadə etməkdə maraqlıdır”.

Ekspert xatırladıb ki, nəqliyyat oliqopoliyası ideyasını hələ 1990-cı illərin sonlarında rusiyalı analitik Vadim Sımburski səsləndirib:

“Bu, bir-biri ilə rəqabət aparmayan, lakin əməkdaşlıq edən bir neçə nəqliyyat marşrutunun birləşməsindən ibarətdir. Məntiq çox sadədir, bir marşrutdan yük digərinə ötürülə bilər, ona görə də oyunçuların heç biri blokada ilə maraqlanmır. Bundan əlavə, nəqliyyat oliqopoliyası xarici sanksiyaların təzyiqindən qorunacaq. Bir yol kəsilirsə, digəri işləməyə davam edir.

Bütün bunlar onu deməyə əsas verir ki, Xəzər “beşliyi” öz fəaliyyətini daha protokol formatında deyil, yeni formatda davam etdirmək barədə düşünə bilər. Analoq Rusiyanın mühüm rol oynaya biləcəyi Xəzər Əməkdaşlıq Təşkilatının yaradılması ola bilər”.