Yaponiya Baş naziri KXDR lideri ilə görüşməyə hazır olduğunu təsdiqlədi

Yaponiyanın Baş naziri Yoşihide Suqa Koreya Xalq Demokratik Respublikasının (KXDR) lideri Kim Çen Inla şəxsən görüşməyə hazır olduğunu təsdiqləyib.

Bu barədə Busaat.az TASS-a istinadən xəbər verir.

“Mən özüm Sədr Kim Çen Inla ilkin şərtlərsiz görüşməyə hazıram. Oğurlanmışlarla (KXDR xüsusi xidmət orqanlarının oğurladığı Yaponiya vətəndaşları –red.) bağlı problemin və KXDR-lə məhsuldar əlaqələr qurmağın həlli yolunda mən ön cəbhədə dayanaraq hərəkət etmək əzmindəyəm”, – Yoşihide Suqa ABŞ Strateji və Beynəlxalq Araşdırmalar Mərkəzinin təşkil etdiyi videokonfrans zamanı bildirib.

Qeyd edək ki, Y. Suqa əvvəllər də Yaponiyanın keçmiş hökumət başçısı Sindzo Abenin mövqeyini dəstəklədiyini və Kim Çen Inla heç bir ilkin şərt olmadan görüşməyə hazır olduğunu dəfələrlə vurğulayıb.