Yaponiya İkinci Dünya Müharibəsi zamanı törətdiyi cinayətləri adekvat şəkildə etiraf etməyib və BMT Təhlükəsizlik Şurasının üzvü olmaq hüququna malik deyil.
Busaat.az xəbər verir ki, bunu Çin Xarici İşlər Nazirliyinin sözçüsü Mao Ning bildirib.
“Hələ bu gün Yaponiya İkinci Dünya Müharibəsi zamanı törətdiyi hərbi cinayətləri adekvat şəkildə etiraf etməyib. Belə bir ölkə beynəlxalq sülhün və təhlükəsizliyin qorunmasına cavabdeh ola bilməz və BMT Təhlükəsizlik Şurasının üzvü olmaq hüququna malik deyil”, – o, jurnalistlər üçün keçirdiyi brifinqdə deyib.
Çin Xarici İşlər Nazirliyinin sözçüsü əlavə edib ki, Yaponiyanın baş naziri Sakae Takaiçi Tayvanla bağlı açıqlamaları ilə Çinin daxili işlərinə kobud şəkildə müdaxilə edib və müharibədən sonrakı beynəlxalq nizama meydan oxuyub. Mao Ning vurğuladı ki, Yaponiya təcavüz müharibəsi başlatdı və Asiya və dünya xalqlarına böyük əzablar gətirdi.
Bundan əvvəl Çinin BMT-dəki daimi nümayəndəsi Fu Konq bəyan etmişdi ki, Yaponiya baş nazirinin sözlərindən sonra BMT Təhlükəsizlik Şurasında daimi yer axtarmaq hüququna malik deyil.
Yeganə
