“Topla-tüfənglə yox, siyasətlə mübarizə aparmalıdırlar”.
Bunu Cənubi Azərbaycan vətəndaşlarının fəaliyyətinin hansı yöndə daha effektiv nəticə verməsi haqda fikirlərini söyləyən Milli Məclisin deputatı Aqil Abbas Busaat.az-a açıqlamasında deyib.
O bildirib ki, Cənubi azərbaycanlılar müəyyən mövzularda etirazlarını bildirməlidir:
“Ermənistana gedən yükə, Təbrizdə erməni konsulluğunun açılmasına Cənubi azərbaycanlılar etiraz etməlidir. Təbrizdə erməni yaşayır? Niyə Təbrizdə erməni konsulluğu olmalıdır?
Topla-tüfənglə yox, siyasətlə mübarizə aparmalıdırlar. Hüquqlarını tələb etməyi, istəklərini söyləməyi bacarmalıdırlar. Burada qeyri-adi heçnə yoxdur. Vətəndaş müharibəsinin başlanmağını istəmərəm. Dəfələrlə belə hadisələr üzündən neçə-neçə soydaşımız həlak olub. İşgəncə-əzab verərək neçə həmvətənlimiz qətlə yetirilib. Yenidən belə hadisələri yaşamaq heç birimiz üçün xoş olmaz, çünki həyatını itirən bizim soydaşlarımızdır”.
Ələsgər / Busaat.az
