
Zelenski: İşğalçıların ədalət qarşısında cavab verməsi üçün işi gücləndirəcəyik
Ukrayna prezidenti Vladimir Zelenski qeyd edir ki, rus işğalçıları beynəlxalq tribunal tərəfindən gözlənilməlidir.
Busaat.az UNİAN-a istinadən xəbər verir ki, bu barədə dövlət başçısının videomüraciətində deyilir.
“İşğalçıların ədalət qarşısında cavab verməsi üçün işi gücləndirəcəyik. Beynəlxalq tribunal olmalıdır. Onların Ukraynaya, xalqımıza qarşı etdikləri hər şeyə görə. Rusiya qoşunlarının Ukrayna ərazisində törətdiyi hər terror aktına görə.”
Zelenski əlavə edib ki, Ukraynanın hüquq-mühafizə orqanları və prokurorluğu artıq bu işə başlayıb.
“Beynəlxalq Cinayət Məhkəməsinin təhqiqat qrupunun Ukraynada işə başlaması vacibdir, o, artıq bizim hüquq-mühafizə orqanlarının əməkdaşları ilə birlikdə bütün sübutları toplayır. İşğalçıların ərazidə hərbi cinayətlər törətməsi faktlarını toplayır ki, onlar hüquqi və konkret cavab alsınlar” – deyə prezident vurğulayıb.























