Zelenski İspaniya şirkətləri ilə müdafiə müqaviləsi imzalayacaq

Volodimir Zelenski Madridə səfəri zamanı İspaniya şirkətləri ilə müdafiə sazişi imzalayacaq.

Busaat.az xəbər verir ki, bu barədə “Bloomberg” adı açıqlanmayan rəsmilərə istinadən bildirib.

Zelenski 13 müdafiə və texnologiya şirkətinin nümayəndələri, həmçinin İspaniyanın müdafiə naziri Marqarita Robles ilə görüşəcək. Agentlik qeyd edir ki, görüş İspaniyanın müdafiə sənayesinin imkanlarını nümayiş etdirmək məqsədi daşıyır. Təmsil olunan şirkətlər arasında ölkənin ən böyük müdafiə podratçısı olan “İndra Sistemas” da var.

Bundan əvvəl Krallığın xarici işlər naziri Xose Manuel Albares bəyan etmişdi ki, İspaniya hakimiyyəti Kiyevə ayrılan hərbi texnika üçün ötən ilki maliyyəni saxlamağı, maliyyə yardımının həcmini ilin sonuna kimi 1 milyard avroya çatdırmağı gözləyir.

Çərşənbə axşamı Zelenski İspaniyanın paytaxtında İspaniyanın baş naziri Pedro Sançeslə görüşəcək.

Yeganə